📖 P[etrus] dei gratia sancte Mogunt(ine) sedis archiepiscopus sacri imperii per Germaniam archicancellarius dilecto in Christo decano ecclesie Heilgenstadensis salutem in domino. Ad nostram de novo audientiam noveris pervenisse, quod abbatissa et conventus sanctimonialium in Orto ordinis Cysterciensis Mogunt(ine) dyocesis contra incorporationem de ecclesia parrochiali beati Iohannis baptiste in Dransfeld ipsis et earundem sanctimonialium cenobio ex causis rationabilibus ad hoc moventibus per nos factam temeritate propria venientes in suum et cenobii sui preiudicium et gravamen et nostre …